And that's a wrap!

Tökum á Klöru lauk í gær við mikinn fögnuð aðstandenda. Önnur þessara staðreynda er lygi. (Og það er ekki sú fyrri). Ég vil samt nota tækifærið og þakka kastinu og krúinu: Ugla (sem á afmæli í dag), Áa, Heiðdís, Vala, Lilý, Sveinbjörn og Halldóra. Og svo auðvitað Baldvin. Og síðast en ekki síst vil ég þakka Döggu, sem óð eld og brennistein fyrir okkur drengina. Það stóðu sig allir frábærlega vel og nú er bara að vona að afraksturinn verði eitthvað til að hreykja sér af. Ólíkt annarri mynd sem margir af fyrrnefndum tóku þátt í hóstcentiahóst.

Hvar verður svo verkið sýnt? Persónulega finnst mér að fyrst Gunnlaugsbörnin Hrafn og Tinna fengu að sýna sínar, hvað skal segja, "ófullkomnu" myndir á RÚV (á besta tíma, btw), þá ætti íslenska þjóðin að vera tilbúin í smá Klöru! There, I said it!

Fór svo á úsltöuna (útsöluna) í Skífunni og fékk mér nokkra æðislega diska:

Boys For Pele þar sem Tori Amos öskrar í öðru hverju lagi. Mikið ofsalega er þessi kona geðveik. En líka ógeðslega flott söngkona. Tango in the Night með Fleetwood Mac ... hmmm ... þetta er svona diskurinn þar sem the 80s hit Fleetwood Mac. And hit them bad. Mikið af þekktum lögum sem eru spiluð af og til á Létt 96,7 og svo líka nokkur alveg fáránlega hallærislega 80s-leg lög. Og lagið "Welcome to the Room ... Sara" eftir Stevie Nicks er óborganlegt:

"It's not home
And it's not Tara ..."

Hahaha. Nicks orðin smá brandari af sjálfri sér kannski? Anyways - hinir diskarnir voru öllu smekklegri; Píanókonsertar í G-dúr og D-dúr fyrir vinstri hönd eftir Ravel og svo Svanavatnið eftir Tchaikovsky sem er alveg ofsalega flottur ballett. Mig langar líka í Cinderellu og Romeo & Juliet eftir Prokofiev ...