So much to do, so little time ...

Núna eru verkefnin farin að hrannast upp! Númer eitt, tvö og þrú (ok, allaveganna númer eitt) er hin leiðinlega félagsfræðiskýrsla sem hópurinn minn þarf að skila af sér á föstudaginn. Fyrir svona viku þá leit allt út fyrir það að þessi skýrsla yrði aldrei tilbúin, en núna lítur þetta mun betur út. Henni verður a.m.k. skilað á föstudaginn, hvort sem hún verður góð eða ekki.

Sama kvöld er svo Söngkeppni MH þar sem yours truly mun syngja bakraddir ásamt yndismeyjunum Siggu og Fríðu og komum þar með hinni æðisgengnu Döggu til hjálpar í laginu Nei sko. Við eigum pooooottþétt eftir að vinna. No contest! :P Og ef það verður einhver samkeppni þá er það nú vafalaust við Siggu og Fríðu, en þær ætla að taka tvær saman dúett á laginu Úti alla nóttina. Það fer semsagt ekki á milli mála að Söngkeppni MH er algjör skylduviðburður! Og munið að hafa stemmarann í lagi!

Svo tekur næsta vika við og hún verður öllu rólegri, en þó er nóg fyrir stafni. T.d. mæli ég eindregið með því að allir sjái sér fært um að mæta á ítalska hryllingsmynda prógrammið mitt á Lagningadögum, en ég ætla að sýna á miðvikudeginum, frá 9-15, rjómann af myndum átrúnaðagoðs míns, Dario Argento. Þeir sem fíla hryllingsmyndirnar sínar ýktar, blóðugar, intensifíseraðar og yfirgengilega flottar ættu ekki að láta þennan once-in-a-lifetime viðburð framhjá sér fara! Ég meina, það er ekki á hverjum degi sem maður fær að sjá Dario Argento-maraþon á Íslandi!

Lag dagsins: Special með The Pretenders. Hef verið með þetta lag á heilanum síðan ég sá Scarlett Johannson syngja það í Lost in Translation. Sú mynd batnar nú bara með tímanum - mér fannst hún góð þegar ég fór út af henni, en núna finnst mér hún jafnvel betri!