Seríur

Kannski jólaseríur? Neiiiii!

Ég er nýbúinn að klára Dark Tower seríuna eftir Stephen King og líður svona eins og mér líður alltaf þegar ég er búinn að lesa lengri bækurnar hans (eins og The Stand eða IT) ... ég er strax farinn að sakna persónanna! Ég meina, ég er búinn að lesa ég veit ekki hvað mörg-þúsund-blaðsíður um þessar persónur og núna er sagan búin ... þetta er svolítið skrítið. Og endirinn á seríunni? Hmmm ... það er spurning.

Ég meina, King sjálfur hættir sögunni sjálfri í nokkrum blaðsíðum fyrir lokin og segir lesendum að hætta að lesa því endirinn geti ekki annað en valdið þeim vonbrigðum. Sem er satt. Endirinn er alveg svakalega ... nasty. Ekki fyrir okkur lesendur, heldur fyrir karakterana, þá sérstaklega einn karakter. En hins vegar segir King líka í eftirmálanum að þetta hafi verið eini mögulegi endirinn. Og það er líka satt, þegar maður fer að hugsa út í það ...

Ég er amk sáttur við allt nema hvernig King losaði sig við Randall Flagg og Mordred. Flagg, sérstaklega, er svo gömul persóna að mér finnst að hann hefði mátt fara ... seinna. Eða bara ekkert yfir höfuð ... Well, whatever.

Svo er það hin serían. Sjónvarpssería er þessi sería og ein sem ég hef ómögulega getað slitið mig frá síðan ég byrjaði að horfa á hana á sunnudaginn síðasta. Á þremur dögum horfði ég á 19 þætti. NÍTJÁN! Ég eyddi 8 klukkutímum einn daginn í að horfa á þessa þætti vegna þess að ég gat einfaldlega ekki hætt. Ég VARÐ að horfa áfram. Þetta hefur aldrei gerst áður ...

Þættirnir?

LOST.

Já, Lost. Þeir voru að byrja á RUV núna á mánudaginn og ef þið misstuð af fyrsta þættinum, þá VERÐIÐ ÞIÐ AÐ FINNA HANN EINHVERSSTAÐAR!¨

Þessir þættir eru ólýsanlegir. Þeir eru svo spennandi, svo vel skrifaðir, svo margslungnir og svo ótrúlega óeðlilega scary og creepy og magnaðir! Allar persónurnar eru áhugaverðar, öll plottin eru ekki bara þess virði að fylgjast með, heldur VERÐUR maður að fylgjast með þeim og svo endar hver einasti þáttur þannig að maður hreinlega verður að sjá næsta. Og meina ekki bara að þeir enda spennandi, maður einfaldlega verður að sjá næsta þátt. Ég er kominn að 19. þætti (sem heitir Deus ex Machina ... þið sem skiljið titilinn getið rétt svo ímyndað ykkur hversu margar beygjur og snúninga þátturinn tók í þessum eina kafla) og get varla comprehendað það að það er einn og hálfur mánuður þangað til síðasti þátturinn verður sýndur í Bandaríkjunum. EINN OG HÁLFUR MÁNUÐUR! Þetta er pynting. En svo yndisleg pynting!

Ég ætla nú ekki að fara að tala um söguna í þáttunum, ég held að það sé best að allir komi eins hreinir inn í þetta fyrirbæri og hægt er ... en ég GET sagt að þetta er mesta mind-fuck og skemmtilegasta (og flóknasta) ráðgáta sem ég hef séð í sjónvarpi síðan Twin Peaks.

Twin Peaks meets Survivor? You betcha! Nema bara ekki jafnmikið drasl og Survivor (þó mér finnist það nú skemmtilegt).

Og fyrir ykkur sem eruð komin í 19. þátt: hvað var sagt í talstöðinni? Og hver var það sem sagði það? Ég er búinn að lesa svo margar kenningar að ég veit ekki hvað ég á að halda ... en þetta er svo gaaaaaman!